 |
 |
 |
 |
 |
 |
 |
 |
 |
 |
 |
 |
ប្រវត្តិដេប៉ាតឹម៉ង់ថ្នាក់ឆ្នាំសិក្សាមូលដ្ឋាន
សាកលវិទ្យាល័យភូមិន្ទវិចិត្រសិល្បៈក្លាយជាគ្រឹះស្ថានសាធារណៈរដ្ឋបាល តាមអនុក្រិត្យ លេខ៥២. អនក្រ.បក ថ្ងៃទី២៣ ខែមិថុនា ឆ្នាំ២០០៣ របស់រាជរដ្ឋាភិបាលកម្ពុជា។
ដេប៉ាតឺម៉ង់ថ្នាក់ឆ្នាំសិក្សាមូលដ្ឋានត្រូវបានបង្កើតនៅថ្ងៃទី២២ ខែកុម្ភៈ ឆ្នាំ២០០៦ យោងលើ សេចក្តីប្រកាស ៣២៧ អយក.ប្រក របស់ក្រសួង អប់រំយុវជន និងកីឡា។
ដេប៉ាតឺម៉ង់ចាប់ដំណើរការបណ្តុះបណ្តាលចាប់តាំពីឆ្នាំ២០០៦រហូតមក៖
- នៅឆ្នាំសិក្សា២០០៦-២០០៧ គណៈកម្មាធិការទទួលស្គាល់គុណភាពអប់រំនៃកម្ពុជាចុះមក វាយតម្លៃសាកល្បងដើម្បីស្វែងរកគុណភាព នឹងទទួលស្គាល់បានសិទ្ធពេញលេញ ក្នុងការ ងារបណ្តុះបណ្តាលនិស្សិតថ្នាក់ឆ្នាំសិក្សាមូលដ្ឋាន។
- នៅឆ្នាំសិក្សា ២០០៧-២០០៨ គណៈកម្មាធិការទទួលស្គាល់គុណភាពអប់រំនៃកម្ពុជាចុះ មកវាយតម្លៃដើម្បីស្វែងរកគុណភាព ពេលនោះដេប៉ាតឺម៉ង់ថ្នាក់ឆ្នាំសិក្សាមូលដ្ឋានបាន ជាប់ជាបណ្តោះអាសន្ន។
- រហូតមកដល់ឆ្នាំ២០០៨-២០០៩ ទើបដេប៉ាតឺម៉ង់ទទួលបានការទទួលស្គាល់គុណភាព អប់រំពេញសិទ្ធសម្រាប់បីឆ្នាំ២០០៨-២០០៩, ២០០៩ -២០១០, ២០១០-២០១១ នេះគឺជា លទ្ធផលលើកទី១។ ការបណ្តុះបណ្តាលនូវតែបន្តរហូតមកដល់ ឆ្នាំ២០១២ ដេប៉ាតឺម៉ង់ រៀបចំឯកសារស្នើសុំវាយតម្លៃជាថ្មីឡើងវិញ លទ្ធផលទទួលបានការទទួលស្គាល់គុណ ភាពអប់រំពេញសិទ្ធសម្រាប់បីឆ្នាំបន្តទៀតគឺ២០១១-២០១២, ២០១២-២០១៣, ២០១៣-២០១៤។
- ឆ្នាំសិក្សា២០១៤-២០១៥ ដេប៉ាតឺម៉ង់នឹងត្រៀមឯកសារបញ្ជូនទៅគណកម្មាធិការទទួល ស្គាល់គុណភាពអប់រំនៃកម្ពុជាស្នើសុំការវាយតម្លៃជាលើកទី៣ឆ្នាំសិក្សា២០១៤-២០១៧។
 |
 |
 |
ផែនការយុទ្ធសាស្រ្ត
ក. ចក្ខុវិស័យ
ដេប៉ាតឺម៉ង់ថ្នាក់ឆ្នាំសិក្សាមូលដ្ឋាននៃសាកលវិទ្យាល័យភូមិន្ទវិចិត្រសិល្បៈមានថ្នាក់រៀនចំនួន ៨បន្ទប់អាចដាក់និស្សិតបានចំនួន៦០០-៧០០នាក់ ប្រើប្រាស់បីវេន ព្រឹក, រសៀល និងយប់ សព្វថ្ងៃ ប្រើប្រាស់តែពីរវេនទេ (ព្រឹក និងរសៀល)។ បណ្តុះបណ្តាលនិស្សិតឆ្នាំទី១ឬឆ្នាំសិក្សាមូលដ្ឋានលើ ជំនាញទាំងប្រាំមហាវិទ្យាល័យរួមនាម៖ មហាវិទ្យាល័យបុរាណវិទ្យា, មហាវិទ្យាល័យស្ថាបត្យកម្ម និងនគរោបនីយវិទ្យា, មហាវិទ្យាល័យសិល្បៈសូនរូប, មហាវិទ្យាល័យសិល្បៈនាដសាស្ត្រ និង មហាវិទ្យាល័យតូរ្យតន្ត្រី។ ដេប៉ាតឺម៉ង់ថ្នាក់ឆ្នាំសិក្សាមូលដ្ឋានមានចក្ខុវិស័យដូចតទៅ៖
- បណ្តុះបណ្ដាលនិស្សិតថ្នាក់ឆ្នាំសិក្សាមូលដ្ឋានឲ្យមានសមត្ថភាពពេញលេញ ដើម្បីឈាន ទៅបន្តការសិក្សានៅឆ្នាំទី២ លើជំនាញរបស់ខ្លួនដែលបានជ្រើសរើស។
- ធានានិងផ្តល់នូវសេវាបណ្តុះបណ្តាលប្រកបដោយគុណភាព និងសមត្ថភាពដល់និស្សិត គ្រប់រូបមិនរើសអើងឡើយ។
- ផ្តល់នូវចំណេះដឹង និងចាប់ផ្តើមឲ្យនិស្សិតប្រែក្លាយខ្លួនបណ្តើរៗក្លាយជាអ្នកជំនាញ ប្រាកដដូចជា៖ សិល្បករ តន្ត្រីករ ស្ថាបត្យករ វិចិត្រករ បុរាណវិទូ កម្រិតឧត្តមលើវិស័យ វប្បធម៌ និងវិចិត្រសិល្បៈ តាមស្តង់ដារជាតិ និងអន្តរជាតិ ប្រកបដោយសមត្ថភាព ក្រម សីលធម៌ និងការច្នៃប្រឌិត ស្របតាមតម្រូវការនៃការអភិវឌ្ឍន៍របស់សង្គមជាតិ ក្នុងទិសដៅ លើកកម្ពស់ស្នាដៃក្នុងជំនាញសិល្បៈ ដើម្បីរក្សាឱ្យបាននូវការអភិរក្សនិងអភិវឌ្ឍវប្បធម៌ ជាតិ។
ខ. បេសកកម្ម
- អប់រំ និងបណ្តុះបណ្តាលនិស្សិតឱ្យក្លាយជាអ្នកជំនាញកំរិតថ្នាក់ឆ្នាំសិក្សមូលដ្ឋានប្រាកដ
- ពង្រឹងនិងពង្រីកធនធានមន្រ្តី និងសាស្រ្តាចារ្យតាមរយៈសិក្ខាសាលាបណ្តុះបណ្តាលវគ្គខ្លីៗ
- ពង្រឹង និងពង្រីកសម្ភារៈរូបវ័ន្តទៅតាមចំនួននិស្សិតកើនឡើង។
- ដឹកនាំនិស្សិតចូលរួមស្តាប់សិក្ខាសាលានានាក្នុងវិស័យសិល្បៈវប្បធម៌ និងរៀបចំឲ្យមាន «បាឋកថា» ក្នុងការសិក្សាស្រាវជ្រាវនិងរបកគំហើញថ្មីៗ ថែមទាំងឱ្យចេះស្រលាញ់មរតក វប្បធម៌ និងបន្តប្រពៃណីថែរក្សាឲ្យគង់វង្ស។
- រក្សាធនធានមន្រ្តី និងគ្រូបង្រៀនឲ្យបានគង់វង្សតាមរយៈកម្រៃប្រាក់ម៉ោងបានសមរម្យ និង ផ្តល់លាភប្រការផ្សេងៗជាការលើកទឹកចិត្ត។
- សក្តានុពលបច្ចេកទេស និងការសិក្សារបស់និស្សិតម្នាក់ៗធ្វើឲ្យទេពកោសល្យឈានដល់ កំរិតដែលអាចទទួលយកបានតាមរយៈការបង្កើតឱ្យមានពិព័រណ៌ស្នាដៃដើម្បីបង្ហាញទេព្យកោសល្យនិងស្នាដៃទាំងនោះឲ្យបានមហាជនបានដឹងអំពី
វិស័យសិល្បៈវប្បធម៌នេះ ។ - បើកទូលាយដល់សេរីភាពរបស់និស្សិតចូលរួមក្នុងការសម្តែងរបាំ ការប្រគុំតន្ត្រីថ្នាក់ជាតិ និងអន្តរជាតិ ដើម្បីបង្កើតនូវស្នាដៃទេពកោសល្យឆ្លុះបញ្ចាំងសោភ័ណភាព តាមបែប ប្រពៃណីដ៏ល្អនៅក្នុងសង្គមខ្មែរតាមរយៈការផ្សព្វផ្សាយទូទៅលើវិស័យវប្បធម៌ ដែលផ្ដល់ នូវការអប់រំចំណេះដឹងបង្កប់ដោយអត្តសញ្ញាណជាតិ។
គ. គោលដៅ
- ស្រូបយកនិស្សិតឱ្យមកចុះឈ្មោះចូលរៀនក្នុងថ្នាក់ឆ្នាំសិក្សាមូលដ្ឋានចំនួនប្រមាណ ៧០០នាក់ ក្នុងឆ្នាំសិក្សានីមួយៗ និងផ្តល់ចំណេះដឹងមូលដ្ឋាន ដែលនិស្សិតទទួលយក បានជាទុនសម្រាប់ឈានទៅចាប់យកជំនាញដែលបានជ្រើសរើសបន្តនៅឆ្នាំទី២រហូតដល់ឆ្នាំបញ្ចប់ប្រកបដោយជោគជ័យ។